हां तर तो तुला फोन करून सतावतोय?
होय साहेब आज तर गाडी जवळ थांबवून बोलला कि तू फक्त माझीचय.
साहेब हि खूप घाबरली होती, मी नाय घाबरले, मी गाडीचा नंबर बघितला पण लक्षात नाय राहिला, मी त्याला सांगितलंबी कि आरे बाबा हिचं लग्न ठरलं आहे हिच्या नादि नको लागू, पण तो खूप डांबिस दिसतोय, साहेब मी पोलिस भरती होणार आहे, परीक्षा पण दिलीय, फिझीकल आहे पुढच्या महिन्यात.
आरे वाह तुम्ही पोलिस भारती होणार आहात ? लक्षात ठेवा पळताना जास्त त्रास होवू लागला तर सरळ थांबा, उगीच जीव मोठाय नोकरी पेक्षा.
तेवढ्यात मनगट आणि गळा पिवळा असलेला पांढरा फेक बगळा आत प्रवेश करतो.
तुम्ही कोण?
साहेब मी समाजसेवक आहे आणि हि मुलं माझ्याबरोबर आहेत, साहेब त्या मुलाला पकडून द्या आम्ही दावतो त्याला, आया बहिणींनी जगावं कि नाय ?
तुझं कायरे ?
साहेब मला FIR पाहिजे माझे college leaving certificate हरवल्याचे.
तू जा बाहेर च्या पिवून ये अर्ध्या तासाने.
ए कायरे बाबा तुला काय झालं?
साहेब बायकोनं आन सासुरवाडीच्या लोकांनी हाणलंय ! अंगावर आणि सदऱ्यावर रक्त सांडलेला इसम म्हणाला.
म्हातारीलाबी मारलंय का ?
होय साहेब आयला पण मारलंय.
च्यामायला कारं ?
वायलं राहा म्हणतीय बायकू !
मग राहा कि दुसरा भाऊ सांभाळीन आईला, बायको पण खुश आणि आईपण. (म्हातारीनं तोंडात मारून घेतल्या सारखं तोंड केलं)
आरं कायदा लय येगळाय, बायकुनं केस केली मजी जावं लागल तुला पण आणि तुझ्या आईला पण आत, वायलं राहा सुखी रहा, बायकोसंगं राहायचं बाबा उद्या जेवणात कायतरी घातलं म्हणजे काय घ्या.
पण साहेब Domestic Violence Act हा काय फक्त सुनासाठी नाही, सासू हि सुद्धा स्त्रीच आहे, यांच्या बायकोवर कारवाई केली पाहिजे., मी मधेच तोंड घातले.
साहेब तुम्हाला चहा पिवून या म्हणून सांगितलंय ना, आम्हाला कायदा शिकविता वकील आहात काय.
नाही नाही साहेब येतो मी च्या पिवून.
अर्ध्या तासाने…
याफीडेविट आणलाय का ?
हो साहेब, हे बघा…
हे असे नाही चालत निट चांगले आणा.
अजून अर्ध्या तासाने…साहेब हे घ्या दुसरे याफीडेविट !
काकडे साहेब कसे काय ओळखतात तुला ?
साहेब आमचे गाववाले आहेत…
मग अगोदरच नाय सांगायचं ? तू बार्शीचा का ?
होय साहेब…
मी पात्रुडचाय, काय लागलं सावरलं तर येत जा…
तुमच्या मदतीची गरज लागू नये हीच अपेक्शाय.
धन्यवाद
